Hormigoizko Mugak

29/09/2021 | 10:00etan

Nori zuzendua: Publiko guztientzat
Prezioa: Doan

Hormigoizko Mugak izeneko proposamen honen bidez, oro har frankismoak eta bereziki faxismoak erabilitako errepresio-tresna bati heldu nahi zaio: lan behartuari.

Memoriaren Nafarroako Institutuak antolatua, erakusketak bidaia bat proposatzen du Atlantikoko Harresiaren eta Pirinioen Gotortzearen artean. Babeserako bi azpiegitura ikaragarri horiek II. Mundu Gerraren testuinguruan eraiki zituzten, eta ia-ia bat egiten dute Bidasoaren bokalean, 1940an haien sustatzaileak —Adolf Hitler eta Francisco Franco diktadoreak— elkartu ziren lekuan.

Atlantikoko Harresia eta Pirinioen Gotortzea eraikitzeko arrazoi estrategikoen berri ematen digu erakusketak, nola egin ziren azaldu eta egitasmo erraldoi horien benetako protagonistak nabarmentzen ditu, bereziki: miseria gorria eta indarkeria latza jasanda, bi egiturak altxatu zituzten ehunka milaka langileak, gehienak ere nazismoak eta frankismoak errepresaliatuak.

Bizkaiko golkoko hondartzetan erdi lurperatuta edo, mugatik metro gutxira, landaretzak estalita dauden egiturak eta bunkerrak azalera ekarri nahi ditu Hormigoizko mugak erakusketak, iragan traumatiko eta gaitzesgarri haren orbainak direla ulertarazteko.

Erakusketan zabaldutako informazio guztia eskuragarri egongo da pertsona guztientzat ondorengo web orrialdean; bertara QR edo bluetooth bidez sartu ahal izango da.

Hormigoizko Mugak

Buletina

DATU-BABESARI BURUZKO OINARRIZKO INFORMAZIOA

  • Arduraduna: Navarra de Infraestructuras de Deporte y Ocio, S.L. (NICDO)
  • Helburua: Interesdunak Iruñeko Planetarioak antolatzen dituen jarduera eta ekitaldiei buruzko informazioa astero jaso dezan behar diren datuak eskatzea.
  • Legitimazioa: Interesatuaren baimena.
  • Hartzaileak: Datuak ez dira beste inoren eskuetara pasako legearen araberako eskaririk jaso ezean, edota horien esleitzea helburua betetzeko beharrezkoa geratzen bada.
  • Eskubideak: Datuak jaso, aldatu edota borratzeko zein informazio gehigarrian agertzen denaren araberako eskubideak dituzu.
  • Informazio gehigarria: Datuen Babeserako informazio gehiago hemen kontsulta dezakezu.