Eskola-saioak Izarren Eskolak 2024-2025 ikasturtea programa berri batekin hasiko du, ikasleen artean STEM (zientzia, teknologia, ingeniaritza eta matematika) bokazioekiko interesa sustatzeko egungo hezkuntza-esparruarekin lerrokatuz. Proiektuaren eguneratze honekin, ikasleen bisita bakoitza esperientzia oso eta murgiltzaile bihurtu nahi dugu, hainbat ekimenez gozatzeko aukera izan dezaten. Gida didaktiko honetan hezkuntza-ziklo bakoitzerako berariaz antolatutako aukera eta gai guztiak jasoko ditugu. Gure helburua irakasleak orientatzea da, beren ikastaroarekin bat datozen proposamenak eskainiz eta formatua beren interesen arabera pertsonalizatzeko aukera sortuz. Jardunaldiari hasiera emateko, Kupula-proiekzio bat pilula digital informatiboekin konbinatuko duen saioa. Pildora horiek, besteak beste, klima-aldaketa, planetak eta konstelazioak jorratuko dituzte. Jarduera hau osatzeko, bisita gidatuak egiten dira Iruñeko Planetarioko hainbat espaziotan, hala nola Galaxiako Lorategian, Taula Periodikoan edo STROM erakusketa interaktibo berrian. Azken hori astronomia inklusiboari buruzkoa da, eta aurten ikaskuntza praktikorako eta esploraziorako funtsezko elementu gisa nabarmentzen da.

ESKOLA-SAIOAK

Esteka honetan aurkituko duzu saioei buruzko informazioa, baita horiei lotutako material didaktikoak ere. Gida didaktikoak deskargatzera eta erabilgarriak iruditzen bazaizkizu erabiltzera animatzen zaitugu.

Gure eskolaren funtzio nagusia hezkuntza-ziklo guztietako curriculumak osatu eta garatzea da. Ikaskuntza eta dibertsioa uztartzeko, izarrak, zientzia eta teknologia bitarteko motibatzaile gisa erabiltzen dugu. Astronomiaren eskutik, historiara, literaturara, arte plastikoetara, filosofiara edo sortzen ari diren teknologietara hurbilduko gara, hainbat hizkuntzatan.

BISITALDIEN ORDUTEGIA:

• Asteartetik ostiralera (eskola-egunak) bata 10:00etan eta bestea 12:00etan. Kontsultatu beste aukera batzuk.
• Saioa hasi baino 15 minutu lehenago planetarioan egotea komeni da.

IKASLE BAKOITZAK ORDAINDU BEHARREKO PREZIOA: 5€. 

ERRESERBA EGITEKO ARGIBIDEAK

• Gure saioen erreserbak webgunearen bitartez eginen dira galdetegi hau erabiliz. 
• Eskaria jasotzen dugunean zuekin harremanetan paratuko gara behin ­betiko datuak finkatzeko. 
• Saioa hasi baino lehen ikasle kopuru zehatza aipatuz leihatilan ordain dezakezue (diruz, txartelaz, transferentziaz) edo  aldez aurretik online egiteko aukera dago ere (kasu honetan, bisitaldiaren egunean ikasleren bat falta bada ez da dirurik itzuliko).
• Zalantzarik izanez gero deitu 948 26 26 28 telefonora edo idatzi escuela@pamplonetario.org helbide elektronikora.