Nafarroako CanSat-en V. edizioan parte hartzeko izen-emateak zabalik
Izena emateko epea 2022ko azaroaren 30ean amaituko da.
Europako Espazio Agentziak (ESA) CanSat erronkan parte hartzea babesten eta sustatzen du. Lehiaketa Nazionala irabazten duen taldea Europa mailan lehiatuko da, 2023ko ekainaren 26tik 30era.
CanSat-en, bigarren hezkuntzako ikasleei zuzendutako proiektuan, teknologia, fisika eta programazio gaiak lantzen dira. Proiektua garatzeko lan praktikoaren bidez elkarlana eta talde-lana sustatzen dira.
Planeta STEMek Nafarroako eskualde fasea antolatzen du, eta, aurreko edizioetan bezala, EAEko taldeak ere hartuko ditu.
Izen-emateak ekimena antolatzen duen ESEROren web orriaren bidez egin behar dira:
Horrela izan zen laugarren edizioa, 2022ko martxoaren 27an. Bideoa eta argazki albuma uzten dizkizuegu:
Zer da CanSat bat?
CanSat bat benetako satelite baten simulazio bat da, freskagarri-lata baten bolumenaren eta formaren barruan integratua. Ikasleentzako erronka da benetako satelite baten azpisistema nagusiak hain espazio txikian sartzea, hala nola elikadura elektrikoa, sentsoreak eta komunikazio-sistema bat.
Jarraian, CanSat suziri batekin jaurtitzen da kilometro bateko altueraraino gutxi gorabehera, edo plataforma, dron edo globo gatibu batetik erortzen uzten da. Eta orduan bere misioa hasten da, hau da, esperimentu zientifiko bat gauzatzea, kalterik gabeko lurreratzea lortzea eta jaitsieran bildutako datuak aztertzea.
CanSat proiektuaren hezkuntza-helburuak
Proiektu honen bitartez taldeek espazioko proiektu erreal batean parte hartuko dute. Misioaren helburuak finkatu beharko dituzte eta CanSat-aren diseinuan parte hartu beharko dute osagaiak integratuz, sistema probatuz, jaurtiketa prestatuz eta jasotako datuen analisia eginez. Honen guztiaren bitartez, ikasleek:
Taldeen ezaugarriak
CanSat Nafarroan parte hartzeko estatuko txapelketan eskatzen diren ezaugarri berak eskatuko dira: