STEM Planetaren Teknozientzia Azokak Nafarroako zentro teknologikoak eta enpresak bisitatuko ditu maiatzean zehar. Albiste honetan Garralda eta Plaza de la Cruz ikastetxeen topaketak jaso dira, hurrenez hurren -Gamesa eta CNTA bisitatu dituztenak.
Elikagaien Teknologia eta Segurtasunerako Zentro Nazionala (CNTA) irabazi asmorik gabeko elkarte pribatua da. Zentro teknologikoa da, eta Espainiako erreferente izateko eta elikagaien sektorearen lehiakortasuna eta kalitatea hobetzen laguntzeko helburua du. Plaza de la Cruzeko ikasleak hainbat laborategitara joan ziren, eta zentroan lan egiten duten ikertzaileen azalpenak entzun zituzten. Horrez gain, hainbat galdera egin zituzten beren interesa piztu zuten elementuei buruz.
.jpg)
Siemens-Gamesan, haizeak jotzen duenean, aukera ugari sortzen dira. Duela 40 urte, natura eta ingeniaritza konbinatzeko ahalmena ikusi zuten. Fabrikak elikatzeko eta hiriak argiztatzeko aukera imajinatu zuten, arnasten genuen airea garbitzen zuten bitartean. Gaur egun, errealitate bihurtu dute ikuspegi hori, eta energia garbia sortu dute gure etxe, eskola eta ospitaleak elikatzeko eta mundu osoan mugitzeko, hiri handienetatik planetako bazterrik urrunenetara.
Sarrigurengo lantegian Garraldako ikasleek STEM Planeta aholkularia den Javier Góngora aholkularia gidari izan zuten. Berak berriki Fuentes Dutor berrikuntza-saria jaso berri du eta azalpen interesagarriak eman zituen.
TEKNOZIENTZAI AZOKA
Teknozientzia Azoka STEM Planeta programaren bitartez antolatu da. Programa honek Iruñeko Planetarioaren eta Nafarroako Gobernuko Unibertsitateko, Berrikuntzako eta Eraldaketa Digitaleko Departamentuaren bultzada du eta proiektuaren helburua STEM (ingeleseko sigletatik zientzia, teknologia, ingeniaritza eta matematika) zer den ezagutaraztea da, arlo horietan orokorrean ikasleen artean bokazioak sustatzeko, eta bereziki, nesken grina pizteko.
Teknozientzia azokaren helburuak dira, batetik, Bigarren hezkuntzako ikasleek proiektu zientifikoak eta teknologiak publikoarekin partekatzea, eta, bestetik, gazteen artean zientziarako zaletasuna suspertzea eta kultura zientifikoa bultzatzea eta zabaltzea. Azpimarratzekoa da proiektuan zehar Nafarroako ikertzaileek duten parte-hartzea eta proiektu honekin izan duten konpromisoa; gazteen proiektuen aholkulari izan dira. Era berean, Teknozientziak ADItech-en, SINAIren koordinatzailea, laguntza jaso du Nafarroako ikerketa-zentro edota enpresetan gazteei esperientzia-bisitak eskaintzeko. Zentro hauetarako bisitak jaso dituzte ikastetxeek: Aldakin, CENER, CIMA, CNTA, CSIC-IdAB, Gamesa, Naitec, NavarraBiomed eta UPNALab.
Hona hemen ekitaldiaren multimedia-estekak:
Tecnociencia azokaren hurrengo edizioa udazkenean hasiko da, 2022 - 2023 ikastutea hastearekin batera.
