Beste ostiralak ez bezala, gaurko bileraren gai nagusia ez da espazioa izan, biologia baizik.
Larunbatean Tecnociencia Azokan egon ginen Iruñeko Planetarioan, bertan 5 minutuko hitzaldi zientifiko asko entzun izan ahal genituen.
Gaur ere, Iruñeko Planetarioan bildu gara, eta iGEM 2019 txapelketako web orrian sartuta, lehiaketa honi buruzko informazio baliagarria ikasi dugu. Txapelketako partaideak bezala onartu gaituztela egiaztatu dugu, baina udan zehar taldeko informazio atala bete beharko dugu web orriaren barruan.
Proiektu on bat ez da ezer bilera on bat egin gabe, beraz, pelikuletan bezala, larruzko aulki dotore batzuetan eseri gara, zurezko mahai handi baten inguruan, eta bilera hasi dugu, lan egiteko gogo handiarekin.
Larunbatean goiz esnatu ginen Naukas PAMPLONA-ra joateko, umorea eta dibulgazio zientifikoa nahasten duen ekitaldia. Asko ikasteaz eta barre egiteaz aparte, Carlos Briones zientzialaria ezagutzeko aukera izan genuen. Bera biokimikan eta biologia molekularrean espezializatuta dagoenez, gure proiektuan zehar kontuan hartu beharko ditugun arazo batzuk planteatu zizkigun, Marteko atmosfera eta lurra, esate baterako.
Ongi etorri gure blogera! Hemen, iGEM proiektuan biziko ditugun abenturak kontatuko dizkizuegu. Landare espazialak, hitzaldi zientifikoak, laborategiko praktikak eta beste gauza asko hemen egongo dira zuen esperoan.
